झटपट दही-कोबी

 

 

साहित्य

१. कोबी- २५० ग्रॅम
२. दही- ३ टेबल स्पून
३. मीठ- चवीप्रमाणे
४. डेक्सट्रोस- १ टी स्पून (दही आंबट असेल तर)
. मिरची पूड (तिखट)/ चिली फ्लेक्स- १/४ टी स्पून
. धने जिरे पूड/ ओरेगॅनो- १/४ टी स्पून.
. चाट मसाला- १/२ टी स्पून
. तीळ- १/४ टी स्पून (पर्यायी)
. कोथिंबीर- सजावटीकरिता

 

पध्दत :

१. प्रथम २५० ग्रॅम कोबी न चिरता हळद आणि मीठ घातलेल्या कोमट पाण्यामध्ये १५-२० मिनिटांसाठी भिजत ठेवावा. १५-२० मिनिटे झाल्यावर कोमट पाणी काढून टाकावे आणि कोबी स्वच्छ पाण्याने नीट धुवून घ्यावा.
. आता हा कोबी चिरून घ्यावा.
. चिरल्यानंतर गॅस/हॉटप्लेट/स्टोव्ह चा वापर करून साधारण १० मिनिटांसाठी कोबी एका भांड्यामध्ये वाफवून घ्यावा.
. आता एक बाऊलमध्ये ३ टेबल स्पून दही फेटून घ्यावे. त्यामध्ये हवे असल्यास डेक्सट्रोस, मीठ घालावे. त्यानंतर धने जिरे पूड/ओरेगॅनो, तिखट/चिली फ्लेक्स, चाट मसाला, तीळ ह्यामध्ये घालून नीट मिक्स करून घ्यावे.
. आता ह्यामध्ये वाफवलेला कोबी मिक्स करावा आणि मिश्रण नीट एकजीव करावे.
. ह्यावर सजावटीसाठी म्हणून कोथिंबीर घालावी.
. खाण्याच्या आधी थोड्यवेळासाठी हे मिश्रण फ्रीझ मध्ये ठेवावे.
. आता तुमचा थंडगार झटपट दही-कोबी तया झालेला आहे.


सूचना:

  • ह्या झटपट दही-कोबीचा आस्वाद तुम्ही विविध प्रकारे घेऊ शकता, जसे:
    हे मिश्रण तुम्ही पोळी/भाकरी/भात ह्या सोबत खाऊ शकता.
  • हे सलाड म्हणून पण तम्ही खाऊ शकता.
  • एक बाउल दही-कोबी दुपारी किंवा रात्री जेवणाच्या अगोदर खाल्यास डाएट च्या दृष्टीनं सुद्धा
    फायद्याचे आहे

 

Recipe in English