कमी कॅलरीयुक्त थंडगार काकडीचे सूप

१. एक साधारण नेहमीच्या आकाराची काकडी घ्यावी आणि त्याची सालं काढून घ्यावीत. २. सालं काढून झाल्यावर ह्या काकडीचे बारीक तुकडे करून घ्यावेत. ३. आता एक छोटा कांदा घेऊन त्याचे चार तुकडे करावेत. ४. नंतर साहित्यामध्ये दिलेले सर्व पदार्थ (काकडीचे बारीक तुकडे, कापलेला कांदा, दही, चाट मसाला, आलं-लसूण-कोथिंबीर पेस्ट, पुदिन्याची पाने आणि चवीप्रमाणे मीठ) मिक्सर मध्ये घालून ते एकजीव करून घ्यावेत. ५. ह्यामध्ये नंतर आवश्यकतेनुसार पाणी घालून ते सूप प्रमाणे पातळ बनवून घ्यावे. ६. हे झाल्यानंतर एका बाउल मध्ये किंवा ग्लास मध्ये हे भरून घ्यावे. ७. त्यामध्ये चवीसाठी थोडी मिक्स हर्ब्स पावडर घालावी आणि सजावट म्हणून एक पुदिन्याचे पान ठेवावे. ८. आता हे काकडीचे सूप थंड होण्यासाठी फ्रीझ मध्ये ठेवून द्यावे. ९. आता आवश्यकतेनुसार बर्फाचे खडे घालून ह्या थंडगार कमी कॅलरी युक्त काकडीच्या सूप चा आनंद लुटावा.